لسبیلہ سلنڈر دھماکا، 12 زخمی سول اسپتال کراچی میں دم توڑ رگئے

بلوچستان کے شہر لسبیلہ میں منی بس اسٹاپ چونگی کے قریب دکان میں دھماکے میں 2 افراد موقع  جاں بحق ہو گئے

جبکہ دھماکے کے بعد آگ لگنے سے 25 افراد شدید جھلس گئے تھے۔
جھلسنے والے ان افراد کو ایدھی فاؤنڈیشن کے عملے اور دیگر ذرائع سے کراچی کے سول اسپتال منتقل کیا گیا۔
یہ زخمی سوال اسپتال کے برنس سینٹر میں زیرِ علاج تھے جن میں سے 10 متاثرین آج صبح علاج کے دوران جاں بحق ہو گئے۔
جاں بحق ہونے والوں میں 23 سالہ محمد اقبال، 32 سالہ ہدایت اللّٰہ، 30 سالہ منظور، 27 سالہ برکت علی، 18 سالہ محمد یونس

، 34 سالہ ظہور احمد، 35 سالہ حاجی محمد عمر، 45 سالہ غلام سرور، 35 تلسی داس اور 26 سالہ مہیش کمار شامل ہیں۔

لکی مروت حملے میں شہید 4 اہلکاروں کی نمازِ جنازہ ادا
اسپتال ذرائع کے مطابق اس افسوس ناک واقعے کے 13 زخمی ابھی بھی سول اسپتال کے برنس سینٹر میں زیرِ علاج ہیں۔
پولیس ذرائع کے مطابق بیلہ میں ہوئے اس دھماکے کے بعد آگ لگ گئی تھی

اطراف کی 7 دکانیں، 1 ہوٹل، بازار میں کھڑی 25 موٹر سائیکلیں اور دیگر املاک جل کر خاکستر ہو گئی تھیں۔
موصولہ اطلاعات کے مطابق بیلہ میں اس افسوس ناک واقعے کے بعد امدادی کام تاحال جاری ہے۔