نیب جنرل باجوہ کے مکمل کنٹرول میں تھا، عمران خان کا دعوٰی

انہوں نے کہا کہ ایک ایک کر کے کرپشن میں ملوث بڑے بڑے نام بری ہو رہے ہیں۔ میرے دور میں ان کرپٹ افراد کے خلاف مقدمات مکمل تھے لیکن نیب کو کام کرنے نہیں دیا جاتا تھا۔ عمران خان نے ایک بار پھر یہ الزام دہرایا کہ جنرل  باجوہ نے ان سب سیاست دانوں کو این آر او ٹو دیا۔

عمران خان کا کہنا تھا کہ ان سے بھی این آر او دینے کا کہا گیا لیکن وہ سمجھتے ہیں کہ کرپٹ لوگوں کو کسی قسم کی رعایت دینا ملک سے غداری ہے۔ جب تک ملک میں انصاف نہیں ہو گا اور قانون کی بالادستی نہیں ہوگی اس وقت تک ملک خوش حال نہیں ہو سکتا۔