پیٹرول 10، ڈیزل 7 روپے فی لٹر سستا ہو گیا

وفاقی وزیر خزانہ اسحاق ڈار نے جمعرات کی شام  پیٹرول کی قیمت میں 10 روپے فی لیٹر کمی کا اعلان کیا۔ جس کے بعد پیٹرول کی نئی قیمت 214 روپے 80 پیسے فی لیٹر ہوگی۔ ڈیزل کی قیمت میں بھی فی لیٹر ساڑھے 7 روپے کمی کا اعلان کیا گیا ہے۔ ہائی سپیڈ ڈیزل کی نئی قیمت 227 روپے 80 پیسے فی لیٹر ہوگی۔

وزیر خزانہ نے لائٹ ڈیزل کی قیمت میں بھی 10 روپے فی لیٹر کمی کا اعلان کیا۔ نئی قیمت 169 روپے فی لیٹر ہوگی۔ نیز مٹی کے تیل کی قیمت میں بھی 10 روپے کمی کے فیصلے کے بعد اس کی نئی قیمت 171 روپے 83 پیسے فی لیٹر ہوگی۔