آزاد کشمیر حکومت کے خلاف عدم اعتماد کی افواہیں

انہوں نے کہا کہ وزیر  اعظم سردار تنویر الیاس حقیقی معنوں میں کشمیری قوم کے لئے مسیحا ثابت ہوئے کہ انہوں نے 31سال بعد اجارہ داروں کی سیاست کو دفن کرتے ہوئے اقتدار کو گراس روٹ لیول تک پہنچایا اور نمائندگان کو فنڈز، اختیارات منتقل کئے جس کے ذریعے  وہ اپنے علاقے ، گلی محلے میں ترقیاتی کام کریں گے لیکن یہ بات ایوان اقتدار میں بیٹھنے والوں کو ناگوار گزر رہی ہے ،آزاد کشمیر میں بلدیاتی انتخابات میں میئر ،ضلع کونسل کے چیئر مین کے انتخابات ابھی ہونا باقی ہیں اس سے قبل اس قسم کی سازش کرنا تاریخ کی سب سے بڑی بددیانتی ہے انہوں نے کہا کہ پی ٹی آئی کی حکومت کا آزاد کشمیر میں بلدیاتی انتخابات کرانا اختیارات نچلی سطح تک منتقل کرنا عام کارکن کی عزت نفس کو بحال کرنا بڑا کارنامہ ہے آزاد کشمیر کے عوام پی ٹی آئی کے کارکنان اور لوکل نمائندگان اپنے وزیر اعظم کے ساتھ ہیں اور ان کے خلاف کی جانے والی سازش کو ناکام بنائیں گے

انہوں نے آزاد کشمیر پی ٹی آئی کے ممبران اسمبلی ووزرائے حکومت سے بھی اپیل کی ہے کہ وہ اپوزیشن کی کسی قسم کی سازش کا حصہ نہ بنیں  اور  اپنی حکومت کے ساتھ ڈٹ کر سازش کا مقابلہ کریں کیونکہ آزاد کشمیر اسمبلی میں پی ٹی آئی کی اکثریت ہے اپوزیشن کچھ بھی کرلے لیکن وہ حکومت کا کچھ نہیں بگاڑ سکتی بھمبر سے تائو بٹ تک بلدیاتی نمائندگان وزیر اعظم کا شکریہ  ادا کرتے ہیں کہ انہوں نے 31سال بعد ان کا بنیادی حق انہیں دلوایا وہ کشمیریوں کے محسن ہیں ان کے خلاف کسی قسم کی سازش  کشمیری قوم کیخلاف سازش سمجھی جائے گی ہم وزیر اعظم آزاد کشمیر کے ساتھ چٹان کی طرح کھڑے ہیں عزم کے ساتھ  ، یقین کے ساتھ اور پوری قوت کے ساتھ کھڑے رہیں گے ۔