ابیٹ آباد میں اساتذہ کو لوٹنے والے ڈاکووں کی عدم گرفتاری پر احتجاج کی دھمکی

اس موقع پر پرنسپل گورنمنٹ ہائیر سکینڈری سکول چمیالی یونین کونسل پٹن کلاں ڈاکٹر ضیاء الرحمن نے بتایا کہ ہم سکول کی ڈیوٹی ختم کر کے دوپہر کے بعد سکول سے واپس آرہے تھے کہ ٹھنڈیانی ٹاپ پر محکمہ جنگلات کی چیک پوسٹ کے نزدیک سڑک پر پھتر رکھ کر پانچ یا چھ لوگ نقاب پوش ہاتھوں میں اسلحہ لئے گاڑی کے گرد ہوگئے اور کسی کو گاڑی سے نہیں اترنے دیا اور ذبردستی موبائل فونز نقدی وغیرہ چھین لیے اور کہا کہ گاڑی واپس لے جاؤ ورنہ جان سے ماردیں گے ۔ڈاکٹر ضیاء الرحمن نے بتایا کہ ڈاکوؤں نے پاوں میں سلیپر پہنے ہوئے تھے اور پشتو لہجے میں بات کرنے کی کوشش کی مگر مقامی لگتے تھے اور نزدیک فارسٹ چیک پوسٹ کا عملہ ہر وقت روڈ پر ہوتا ھے مگر اس پورے دورانئے  میں ان کی طرف سے  خاموشی رہی۔ ہم نے  ڈرائیور لیاقت کے ہمراہ ماسٹر گل نواز ۔ذیشان علی شیخ ۔طارق محمود ۔مختیار احمد ۔محمد حفیظ ۔عدیل انور نے فون کرکے متعلقہ پولیس چوکی چمیالی انچارج کو اطلاع کی تو  دو پولیس اہلکار بہت دیر بعد آئے اور شام کی تاریکی بھی ہوگئی تھی۔ تاحال کوئی گرفتاری نہیں ہوئی ۔

دوسری طرف بکوٹ پولیس کے مطابق علاقہ میں ایس ایچ او بکوٹ کی سربراہی میں سرچ آپریشن جاری ھے اور اس پرامن علاقہ میں ایسی واردات کی مثال نہیں ملتی اور صرف ایک ہی گاڑی کو ٹارگٹ کرکے واردات ہوئی حالانکہ اس مصروف ترین شاہراہ پر ہروقت گاڑیوں کی آمد ورفت جاری رہتی ھے لگتا ہے کہ واردات مقامی نوعیت کی کارروائی ہے ،بہت جلد ملزمان گرفت میں ہوں گے ۔