ارشد شریف کیس۔۔ جے آئی ٹی روزانہ میٹنگ کرے گی

قتل کیس کی تحقیقات کیلئے قائم جوائنٹ انوسٹی گیشن ٹیم  نے مقتول کے خاندان اور دیگر شہادتیں ریکارڈ کروانے والے افراد کی فہرست بھی  مرتب کر نے کا فیصلہ کرلیا۔ جے آئی ٹی کا دوسرا اجلاس پیر کے روز سی پی او ہیڈکوارٹرز اسلام آباد میں ہوا۔

ذرائع کا کہنا ہے کہ ایس پی صدر کو مقتول  ارشد شریف کے لواحقین سے رابطہ کرکے جے آئی ٹی کی ملاقات کروانے کی ہدایت کی گئی ہے۔

اسلام آباد پولیس کے ترجمان کے مطابق جے آئی ٹی نے ارشد شریف کے خاندان اور دیگر شہادتیں ریکارڈ کروانے والے افراد کی لسٹیں مرتب کر نے کا فیصلہ کیا۔ترجمان کا مزید کہنا تھا کہ جے آئی ٹی ارشد شریف کیس پر روزانہ میٹنگ کرے گی اور پیشرفت کا جائزہ لیا جائے گا۔