حکومت نےکالعدم ٹی ٹی پی سے مذاکرات کی تردید کر دی

وزیر دفاع خواجہ آصف نے کہا ہےکہ کالعدم تحریک طالبان پاکستان سے اس وقت کوئی مذاکرات نہیں ہو رہے۔

پیر کے روز پارلیمنٹ ہاؤس کے باہر میڈیا سےگفتگو کرتے ہوئےخواجہ آصف کا کہنا تھا کہ چمن بارڈر واقعےکے بعد افغان سرحد افغانستان کی طرف سے معذرت کے بعد کھولی گئی ہے،  آئندہ ایسے واقعات اور بدمزگی سے بچنے کے لیے بارڈر سکیورٹی فورسز کی کمیٹیز بنادی گئی ہیں۔

خواجہ آصف کا کہنا تھا کہ افغانستان کی جانب سے عام شہریوں پر فائرنگ کی گئی جبکہ  اس کے برعکس ہماری افواج نے افغانستان کی چیک پوسٹ کو نشانہ بنایا۔