بہارہ کہو بائی پاس کے خلاف درخواست خارج۔ کوہسار کے عوام کے لیے بڑی خوش خبری

یاد رہے کہ فاضل عدالت نے فریقین کے دلائل سننے کے بعد گزشتہ سماعت کے موقع پر فیصلہ محفوظ کیا تھا۔

واضح رہے کہ کوہسار یونائیٹڈ فرنٹ کے سربراہ اور ممتاز سیاسی اور سماجی شخصیت سفیان عباسی نے بہارہ کہو منصوبے کی تعمیر کا کیس بھرپور طریقے سے لڑا۔ وہ تمام سماعتوں پر اپنے وکلاء کے ساتھ عدالت میں پیش ہوتے رہے ۔ سفیان عباسی نے خطہ کوہسار کے عوام کو فیصلے پر مبارکباد پیش کی ہے اور اسے مری، گلیات، آزاد کشمیر سمیت پورے خطہ کوہسار کی فتح قرار دیا ہے۔  انہوں نے شاندار وکالت اور بہترین دلائل پر جلیل اختر عباسی ایڈوکیٹ کو خصوصی مبارک باد دی ہے ۔علاوہ ازیں شبیر ملک ایڈوکیٹ، اسد عباسی ایڈوکیٹ، وسیم الدین ایڈوکیٹ اور مری بار کے تمام احباب کا شکریہ ادا کیا ہے ۔ انہوں نے تمام پٹیشنرز کا بھی شکریہ ادا کیا جو 12 طویل سماعتوں میں ان کے ہمراہ رہے۔