چوہدری سالک نے نواز شریف کو شجاعت کا کیا اہم پیغام پہنچایا؟

تصویر سوشل میڈیا
ذرائع کا کہنا ہے کہ آصف زرداری پنجاب اسمبلی تحلیل نہ کیے جانے کی صورت میں پی ڈی ایم کی حمایت پرویزالٰہی کے پلڑے میں ڈالنا چاہتے ہیں ، تاہم میاں نواز شریف کو پرویزالٰہی کے حوالے سے کچھ تحفظات ہیں ۔ ذرائع کا کہنا ہے کہ مسلم لیگن کی قیادت میں پرویز الہی کو بعض شرائط کے ساتھ وزیراعلی تسلیم کرنے پر آمادگی ظاہر کر دی ہے۔

ذرائع کے مطابق ن لیگ کے بعض سینیئر رہنما چوہدری شجاعت سے رابطے میں ہیں اور ان کی جانب سے ٹھوس بات سامنے آنے پر ن لیگ آگے بات کرے گی۔ذرائع کا کہنا ہے کہ چوہدری برادران کے آپس میں رابطے بحال ہوگئے لیکن سیاسی معاملے پر پیش رفت ہونا باقی ہے۔لیگی ذرائع کا کہنا ہے کہ وہ مل کر چلنے کیلئے پرویزالٰہی کی ڈبل گیم نہیں چاہتے، انہیں واضع طور پر کھل کر سامنے آنا ہوگا۔

ذرائع کے مطابق ن لیگ پنجاب کے اجلاس میں متوقع امیدواروں کی لسٹ تیار کرنے کی ہدایت کی گئی ہے اور ڈویژن کے صدور کو لسٹیں تیار کرنے کا کہا گیا ہے۔اس حوالے سے وزیرداخلہ رانا ثنا اللہ کا کہنا تھاکہ چوہدری شجاعت ہمارے اتحادی ہیں، ان سے بات چیت ہوتی ہے، ہم پہلے کی طرح ڈبل گیم نہیں چاہتے۔