گلیات ، مشکبوری اور ملحقہ علاقوں میں برفباری

گلیات ڈویلپمنٹ اتھارٹی کے ترجمان  کا کہنا تھا کہ مری ایبٹ آباد روڈ سمیت نتھیا گلی اور دیگر مقامات پر مشینری برف صاف کرنے پر لگا دی گئی ہے تاہم سیاحوں اور مقامی لوگوں سے گزارش ہے کہ غیر ضروری سفر سے اجتناب کریں۔ کسی بھی ایمرجنسی کی صورت میں ہمارے دفاتر کھلے ہیں ۔ واضح رہے کہ گلیات میں ہفتے کی دوپہر اچانک برف باری شروع ہوگئی تھی اور شام تک تین انچ سے زائد برف پڑ چکی تھی۔  جس کی وجہ سے علاقے میں سردی کی شدت میں بھی اضافہ ہوگیا ہے ۔