گلیات بندر پوائنٹ پر سیاح کھائی میں گر کر جاں بحق

محسن کی لاش کھائی سے نکال کر اوپر لائی جا رہی ہے، وہ کھائی جہاں محسن گر کر جاں بحق ہوا، وہ پوائنٹ جہاں سے محسن نیچے گرا

اطلاع  ملنے پر فوری طور پر مقامی لوگوں نے پولیس چوکی چھانگلہ گلی کو آگاہ کیا۔ جس کے بعد پولیس کے عملے کے ہمراہ  سردار عمران اکمل، قیصر، محسن شاہ پہنچے اور مقامی لوگوں کی مدد سے کھائی میں جا کر بڑی مشکل سے نوجوان کی نعش نکال کر چوکی چھانگلہ گلی تک لائے۔ جہاں مرحوم کے والد ارشاد ولد سائیں محمد نے اپنے بیٹے کی لاش وصول کی۔

کیا محسن سلفی بناتے ہوئے گرا؟

مرحوم محسن کے والد نے بتایا کہ ان کا بیٹا اور دوست، جو دونوں پڑوسی بھی ہیں، گھر والوں کو بتا کر آئے تھے۔ والد نے مزید بتایا کہ میرا بیٹا زیادہ سفر سے اجتناب کرتا تھا۔ لمبے سفر میں اس کی طبیعت خراب ہو جاتی اور اسے چکر آ جاتے تھے۔ آج بھی ہوسکتا ہے کہ چکر آ گیا ہو یا بندروں کو خوراک ڈالتے وقت بندروں کی چھینا چھپٹی سے کھائی میں گر گیا ہو۔ واضح رہے کہ جائے حادثہ سے سلفی سٹک بھی ملی، جس کی وجہ سے ابتدائی طور پر یہ قیاس کیا گیا کہ سیاح سلفی بناتے ہوئے موت کا شکار ہو گیا۔ تاہم مرحوم کے والد نے کسی قسم کی کاروائی سے انکار کیا اور بیٹے کی لاش تدفین کے لیے لے گئے۔

بندر چھینا جھپٹی بھی کرتے ہیں، سیاح احتیاط کریں۔

انچارج پولیس چوکی چھانگلہ گلی سردار عمران خان نے بتایا کہ زیادہ تر سیاح اس مقام پر بندروں کو خوراک دینے کے لئے  رکتے ہیں۔ چونکہ آجکل خوراک کی کمی ہے، سیاح کم آتے ہیں، اس لیے بندروں کی چھینا چھپٹی سے بعض اوقات ناخوشگوار واقعہ پیش آجاتا ھہے۔ انہوں نے اپیل کی کہ اس افسوسناک واقعہ کے بعد سیاح بھی  زیادہ احتیاط کریں۔ مقامی لوگوں اور پولیس کی انسانی ہمدردی اور لاش کو اوپر تک لانے پر عوامی حلقوں نے خراج تحسین پیش کیا ۔

سیزن کے دوران بندروں کو وافر خوراک ملتی ہے مگر آج کل بھوک کا راج ہے