طورخم سرحدپرکروڑوں کا امریکی ساختہ اسلحہ پکڑاگیا

اسلحہ افغانستان سے پھل لانے والے ٹرک میں چھپایا گیا تھا

 تفصیلات کے مطابق طورخم سرحدی گزرگاہ پر کسٹم عملہ نے افغانستان سے پھل لانے والے ٹرک   کےخفیہ خانوں سے امریکی ساختہ اسلحہ برآمد کرلیا اور اسلحہ کو ٹرک سمیت قبضہ میں لیکر مقدمہ درج کرلیا۔برآمد شدہ اسلحہمیڈیا کے سامنے پیش کرتے ہوئے چیف کلکٹر کسٹم خیبر پختونخوا محمد سلیم نے بتایا کہ افغانستان سے آنے والا انار سے بھراٹرک جونہی پاکستان میں داخل ہوا تو کسٹم عملہ نے شک کی بنیاد پر گاڑی کی تلاشی لی اور خفیہ خانوں میں چھاپاگیا اسلحہ برآمد کرلیا۔

 محمد سلیم کے مطابق برآمد ہونے والا اسلحہ میں 16 عدد خودکار امریکی ساختہ مشین گن اور 15 ہزار سے زائد مختلف اقسام کے کارتوس شامل ہیں۔ ٹرک اور اسلحہ کو تحویل میں لیکر مقدمہ درج کرلیا گیا۔ جبکہ ڈرائیور نے تاریکی کا فائدہ اٹھاتے ہوئے طورخم بازار اور مضافات میں روپوش ہوگیا۔

 چیف کلکٹر نے کہا کہ عالمی مارکیٹ میں اسلحہ کی قیمت 4 کروڑ سے زائد ہے۔

انہوں نے بتایا کہ غلام سرحدی گزرگاہ پر بھی گزشتہ ماہ کسٹم عملے نے کارروائی کرتے ہوئے مختلف نوعیت کے 50 ہزار سے زائد کارتوس قبضہ میں لئے تھے۔پکڑا جانے والا اسلحہ امن دشمن عناصر کے لئے سمگل کیاجارہاتھا ۔

محمد سلیم نے کہا کہ امن وامان برقرار رکھنے میں کسٹم عملہ بھی اپنا بھر پور کردار ادا کررہا ہے۔