سی ڈی اے نے دارالحکومت کے سب سے بڑے شاپنگ مال دی سینٹورس کو مقفل کر دیا گیا

دو ماہ قبل سینٹورس مال میں آگ بھڑک اٹھی تھی۔ کچھ دن تک مال بند رہا تھا لیکن پھر اسے کھول دیا گیا تھا۔

اگر یہ سی ڈی اے کی معمول کی کارروائی ہے تو پھر اسے متعلقہ عملے کو اپنے اوقات کار کے دوران انجام دینا چاہیے تھا۔ ثانیا اتنا بڑا فیصلہ کرنے سے پیشتر مال انتظامیہ کو تحریری طور پر آگاہ کرنا بھی ضروری تھا کیونکہ مال میں سینکڑوں دکانیں ہیں جن میں ہزاروں ملازمین کام کرتے ہیں جو صبح کام پر آئے تو پولیس نے انھیں مال میں داخلے کی اجازت نہیں دی.

یاد رہے کہ سینٹورس مال وزیراعظم آزاد کشمیر سردار تنویر الیاس خان کی ملکیت ہے۔ وزیراعظم پاکستان شہباز شریف کے دورہ کشمیر کے موقع پر سردار تنویر الیاس کو ایک سوال کرنے کی اجازت نہیں دی گئی تھی جس پر دونوں وزراء اعظم ایک دوسرے سے نالاں تھے۔ اس واقعہ کے تناظر میں دی سینٹورس مال کو مقفل کرنا انتقامی کارروائی نظر آتی ہے۔