سائفر تحقیقات، عمران خان کی FIAاسلام آباد دوبارہ طلبی

تفصیلات کے مطابق ایف آئی اے افسر طلبی کے سمن لیکر زمان پارک پہنچا، سائفر کیس میں ایف آئی اے نے وزارت داخلہ کے حکم پر تحقیقات کا آغاز کر دیا، تحقیقاتی ٹیم میں ایف آئی اے لاہور کے اعلیٰ افسران شامل ہیں۔

ایف آئی اے نے اس سے قبل بھی عمران خان کو طلبی کے نوٹس جاری کئے تھے، عمران خان کو اس سے قبل 7 نومبر اور شاہ محمود قریشی کو 3 نومبر کو طلب کیا گیا تھا، پی ٹی آئی چیئرمین وزیر آباد حملہ کیس میں زخمی ہونے کے باعث ایف آئی اے پیش نہیں ہوئے تھے۔

ایف آئی اے نے دوبارہ طلبی کے لیے سمن جاری کئے اور زمان پارک استقبالیہ پر نوٹس کی تعمیل کرواتے ہوئے 6 دسمبر کو اسلام آباد طلب کیا ہے۔