آصف زرداری نے اسمبلیاں ٹوٹنے کا چیلنج قبول کر لیا، عمران کی گرفتاری کا عندیہ

کراچی (کوہسار نیوز)پاکستان پیپلز پارٹی (پی پی پی) کے شریک چیئرمین آصف زرداری نے کہا ہے کہ تحریک انصاف کے سربراہ عمران خان نہ صرف یہ کہ آئندہ الیکشن سے پہلے گرفتار ہو سکتے ہیں بلکہ توشہ خانہ ریفرنس میں نااہل بھی ہو سکتے ہیں۔ نجی ٹی وی چینل آج نیوز کو انٹرویو دیتے ہوئے آصف زرداری نے کہا کہ میں دیکھتا ہوں وہ کتنے ایم پی ایز بناتا ہے؟
اگر وہ اسمبلیاں توڑیں گے تو ہم الیکشن لڑیں گے، اگر نہیں توڑیں تو اپوزیشن کرتے رہیں گے۔ تاہم ان کا کہنا تھا کہ قبل ازوقت   انتخابات ہمارے حق میں ہیں نہ جمہوریت کے حق میں۔
۔سابق صدر نےاس بات کا عندیہ دیا کہ پی ڈی ایم  پنجاب اور خیبر پختونخوا میں عدم اعتماد کی تحریک لائے گی۔