پاکستان تحریک انصاف ضلع مری کے حقیقی ورکر گروپ کے رہنما ایاز عباسی اور دیگر رہنماؤں نے چیئرمین عمران خان کی کال پر حقیقی آزادی مارچ میں بھرپور شرکت کرنے پر پی ٹی آئی حقیقی ورکرز کو شاندار الفاظ میں خراج تحسین پیش کیا۔
انھوں نے کہا کہ تحریک انصاف ملک میں عوام کو انصاف کی فراہمی اور عوام کے مسائل کو حل کرنے کے لئے جدوجہد کر رہی ہے۔ 26 نومبر کے حقیقی آزادی لانگ مارچ میں قوم نے بھرپور شرکت کرکے چیئرمین پی ٹی آئی، عمران خان، کی قیادت پر بھرپور اعتماد کا اظہار کیا ہے۔
انہوں نے مزید کہا کہ عمران خان کی ولولہ انگیز قیادت میں ملک میں تبدیلی کاآغاز ہوگیا ہے۔ وہ دن دور نہیں جب وطن عزیز سے امپورٹڈ حکومت کا خاتمہ ہو گا۔
