تحریک انصاف کے استعفوں سے کتنی نشستوں پر دوبارہ الیکشن ہوں گے؟

اپنے  ایک بیان میں فواد چوہدری نے بتایا کہ  اس وقت پاکستان بھر میں 859  اسمبلی نشستوں پربراہ راست انتخابات ہوتےہیںجبکہ  تحریک انصاف کے استعفوں کے نتیجے میں 567 نشستوں پرانتخابات ہوں گے۔ اس حوالے سے مزید تفصیل بیان کرتے ہوئے فواد چوہدری کا کہنا تھا کہ ان میں سے  قومی اسمبلی کی 123 نشستوں پر، پنجاب اسمبلی کی 297، کے پی کی 115، سندھ اسمبلی کی 26 اور بلوچستان اسمبلی کی سات نشستوں پر عام انتخابات کرانا پڑیں گے۔

پی ڈی ایم حکومت پر تنقید کرتے ہوئے فواد چوہدری نے کہا کہ انتخابات کے نام پر رانا ثنااللہ اینڈ کمپنی کو پسینے کیوں آ رہے ہیں؟ عمران خان کا اپنی جماعت اور عوام پر اعتماد ہے کہ وہ  اپنی ہی حکومتیں تحلیل کر کے انتخابات میں جا رہے ہیں، گھوڑا بھی حاضر  ہے اور میدان بھی۔فواد چوہدری کا مزید کہنا تھاکہ انتخابات  واحد حل ہیں ، اس کے علاوہ کوئی اور طریقہ کار ملک میں سیاسی استحکام  لانے کا سبب نہیں بن سکتا۔