صوبائی اسمبلیوں سے مستعفی ہونے کا اعلان ،عمران خان نے حکومت کو بڑا سرپرائز دے دیا

واضح رہے کہ اس وقت پنجاب ، خیبر پختونخوا اور گلگت بلتستان میں تحریک انصاف کی حکومت قائم ہے جبکہ آزاد کشمیر میں بھی پی ٹی آئی کی حکومت موجود ہے ۔ مبصرین کے مطابق عمران خان نے اسمبلیوں سے استعفوں کا بڑا اعلان کرکے نہ صرف حکومت کو سرپرائز دیا ہے بلکہ اسے دفاعی پوزیشن میں بھی دھکیل دیا ہے۔ ذرائع کا دعوی ہے کہ اگرچہ عمران خان بظاہر فوری الیکشن یا قبل از وقت انتخابات کے مطالبے سے یہ کہہ کر دستبردار ہوگئے ہیں کہ انہیں اس بات کی پرواہ نہیں کہ الیکشن کب ہوتے ہیں اگر نو ماہ بعد بھی انتخابات منعقد ہوتے ہیں تو ان کی جماعت ہی کامیاب ہوگی، تاہم ذرائع کا کہنا ہے کہ اسمبلیوں سے مستعفی ہونے کے اعلان کے پیچھے بنیادی مقصد حکومت کو قبل از وقت انتخابات کے لیے دباؤ میں لانا ہے ۔
دوسری طرف تحریک انصاف کے سربراہ نے حکومتی خدشات کے برعکس اسلام آباد نہ جانے کا اعلان کرتے ہوئے کہا ہے کہ وہ حالات خراب نہیں کرنا چاہتے۔