پی ٹی آئی جلسہ ،فیض آباد انٹر چینج مکمل طور پر سیل

واضح رہے کہ تحریک انصاف کا جلسہ آج شام کو مری روڈ پر رحمان آباد کے مقام پر منعقد ہو رہا ہے اس میں شرکت کے لیے ہزاروں کارکن اور حامی پہلے ہی مری روڈ پہنچ چکے ہیں۔دوسری طرف پنجاب کے مختلف شہروں سمیت کے پی کے اور آزاد کشمیر گلگت بلتستان سے بھی قافلوں کی آمد کا سلسلہ جاری ہے ۔

تحریک انصاف کے چیئرمین سابق وزیراعظم عمران خان ممکنہ طور پر شام پانچ بجے کے بعد مری روڈ پر واقع ایرڈ ایگریکلچر یونیورسٹی کے گراؤنڈ پر ہیلی کاپٹر کے ذریعے پہنچیں گے جس کے بعد انہیں جلسہ گا لے جایا جائے گا۔ یہ امر قابل ذکر ہے کہ مری روڈ پر اقبال پارک کے سامنے تحریک انصاف کی جانب سے گزشتہ ایک ہفتے سے کیمپ لگایا گیا ہے جہاں جلسے اور مارچ کیلئے ماحول بنایا جارہا تھا جبکہ پارک کے اندر ایک خیمہ بستی بھی بسائی گئی ہے جہاں بڑی تعداد میں تحریک انصاف کے کارکن موجود ہیں ۔