صدر نے سمری روکی تو حکومت کیا کرے گی ؟ جنرل عاصم کی ریٹائرمنٹ روک لی گئی

جنرل عاصم منیر کی ریٹائرمنٹ روک لی گئی، حکومت کا اہم اقدام

حکومت نے ایک اہم اور بڑا فیصلہ کرتے ہوئے نامزد آرمی چیف جنرل عاصم منیر کی ریٹائرمنٹ روک لی ہے یعنی قانونی زبان میں انہیں retain کر لیا گیا ہے ۔ اس طرح جنرل عاصم منیر 27 نومبر کو اپنی ریٹائرمنٹ کے دن کے بعد بھی ریٹائر نہیں ہوں گے۔ ذرائع کے مطابق اس حوالے  سے وزیر دفاع خواجہ آصف نے کابینہ کو اعتماد میں لے لیا ہے ۔ اقدام کا مقصد آرمی چیف کے تقرر کی سمری کی منظوری کی راہ میں حائل ممکنہ رکاوٹ دور کرنا ہے۔

یہ امر قابل ذکر ہے کہ  پاکستان آرمی ایکٹ کے تحت کسی بھی فوجی  افسر کی  ریٹائرمنٹ کا جب وقتآنے پر وزارت دفاع میں ایک پرمیشن کی درخواست آتی ہے ،ذرائع کے مطابق اسی طریقہ کارکے تحت جنرل عاصم منیر نے بھی وزارت دفاع میں ریٹائرمنٹ کی پرمیشن کی درخواست دی جسے وزارت دفاع نے مسترد کردیا اور انہیں ری ٹین کرنے کا فیصلہ کیا گیا۔

پاکستان آرمی ایکٹ میں یہ قانون موجود ہےکہ کسی بھی افسر کو  ضرورت پڑنے پر اسی طرح ری ٹین کیاجاسکتا ہے، اسی لیے وزارت دفاع نے حفاظتی انتظامات کے تحت لیفٹیننٹ جنرل عاصم منیر کی ری ٹین کی سمری بنائی اور کابینہ سے اس کی باقاعدہ منظوری لی تاکہ صدر کی جانب سے سمری روکے جانے کی صورت میں عاصم منیر 27 نومبر کو ریٹائر نہیں ہوں گے اور یہ عمل قانونی طور پراحسن طریقے سے انجام دیا جاسکے۔