نامزد چیئرمین جوائنٹ چیفس جنرل ساحر شمشاد مرزا کے کیرئر پر ایک نظر

ان کا تعلق سندھ رجمنٹ سے ہے اور وہ سابق چیف آف آرمی اسٹاف جنرل راحیل شریف کے دور میں ڈی جی ملٹری آپریشنز بھی رہے ہیں۔ جنرل ساحر شمشاد مرزا شمالی وزیرستان میں دہشت گردی کے خلاف آپریشن کی نگرانی کرتے رہے ہیں، جبکہ وہ انٹرا افغان مذاکرات کرنے والے کوآرڈینیشن گروپ کا بھی اہم حصہ تھے۔
علاوہ ازیں جنرل ساحر شمشاد گلگت بلتستان اصلاحی کمیٹی کے رکن رہے اور بطور لیفٹننٹ جنرل چیف آف جنرل اسٹاف کے عہدے پر بھی فائز رہے ۔اس وقت وہ پاک فوج کی ٹین کور یعنی راولپنڈی کور کے کمانڈر ہیں جہاں سے انہیں چیئرمین جوائنٹ چیفس کے عہدے کیلئے نامزد کیا گیا ہے۔