جنرل عاصم منیرآرمی چیف ، جنرل ساحر شمشاد چیئرمین جوائنٹ چیفس نامزر

وزیر اعظم شہباز شریف نے سینئر ترین فور اسٹار جرنیل لیفٹیننٹ جنرل عاصم منیر کو چیف آف آرمی سٹاف اور سنیارٹی میں دوسرے نمبر پر موجود لیفٹیننٹ جنرل ساحر شمشاد مرزا کو چیئرمین جوائنٹ چیفس آف سٹاف کمیٹی مقرر کرنے کا فیصلہ کیا ہے اور اس حوالے سے وزارت دفاع نے سمری صدر مملکت کو بھیج دی ہے۔
وزیر دفاع خواجہ آصف نے کہا ہے کہ صدر وزیر اعظم کی ایڈوائس پر عملدر آمد کے پابند ہیں ۔امید ہے کہ وہ آئین پر عملدرآمد کرتے ہوئے ایڈوائس پر دستخط کردیں گے اور اسے متنازعہ نہیں بنائیں گے۔ وزیر دفاع نے کہا کہ آئین کے تحت تمام معاملات طے پا گئے ہیں۔