اسلام آباد ( نمائندہ خصوصی) راولپنڈی میں لینڈ مافیا کی جانب سے قتل کیے جا نے والے ماجد ستی اور ان کے اہل خانہ سے اظہار یکجہتی کے لیے نیشنل پر یس کلب اسلام آباد کے سامنے کوہسار یونائٹڈ فرنٹ کے رہنما محمد سفیان عباسی کی قیادت میں احتجاجی مظاہرہ کیا گیا۔ مظاہرے میں مری، کو ٹلی ستیاں، ہزارہ اور آزاد کشمیر سے تعلق رکھنے والے سینکڑوں افراد نے شرکت کی، مظاہرین نے شدید نعرے بازی کی اور قاتلوں کی فوری گرفتاری کا مطالبہ کیا۔ اس موقع پر احتجاجی مظاہرے سے محمد سفیان عباسی، مقدمے کے مدعی حاجی ارشد، صداقت عباسی، لطاسب ستی، مر تضیٰ ستی، بابر ستی، آصف شفیق ستی، عمر فاروق ستی، طارق ستی، سجاد الحسن عباسی اور دیگر نے خطاب کیا۔
مظاہرین سے خطاب کر تے ہوئے محمد سفیان عباسی نے پنجاب حکومت سے مطالبہ کیا کہ وہ ماجد ستی کے قاتلوں اور ان کے سہولت کاروں کو فوری طور پر گرفتار کر کے قرار واقعی سزاءل دے تاکہ شہید کے اہل خانہ کو انصاف فراہم ہو۔ بے لگام مافیا طاقت کے نشے میں جب چاہے لوگوں کی زندگیوں سے کھلواڑ شروع کر دیتا ہے۔ انھوں نے کہا کہ اہل کوہسار کا مطالبہ ہے کہ ماجد ستی کے کیس کی صاف اور شفاف تحقیقات کر کے بے لگام قاتل مافیا کو کیفر کردار تک پہنچایا جائے۔ اس سفاکانہ قتل کے مجرموں کو سزاء ملنے تک مری، کو ٹلی ستیاں، ہزارہ اور آزاد کشمیر کی عوام چین سے نہیں بیٹھے گی، انھوں نے مزید کہا کہ خطہ کوہسار کے لوگ خواب غفلت سے بیدار ہو چکے ہیں اور اب وہ کسی بھی فرد سے ہونے والے ظلم کے خلاف متحد ہو کر تحریک چلائیں گے،
