آج شاعر اور کالم نگار اطہر نفیس کا یوم وفات ہے

سنجیدگی اور باقاعدگی کے ساتھ شاعری کا سلسلہ ان کے قیام کراچی سے شروع ہوا۔ غزل میں بے حد نام کمایا لیکن آزاد نظمیں بھی کہیں۔ اطہر نفیس کی شاعری کا مجموعہ’’کلام‘‘ کے نام سے 1975 میں شائع ہوا۔

وہ خوددار اور انا پرست ہونے کے ساتھ ساتھ بڑے مہذب، شائستہ اور دھیمے مزاج کے انسان تھے۔ عمر کسی شریک حیات کی رفاقت کے بغیر گزار کر 21 نومبر 1980 کو ذات کی تنہائیوں سے نجات پائی۔

…۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ عشق جو ہم سے روٹھ گیا، اب اس کا حال بتائیں کیا
کوئی مہر نہیں، کوئی قہر نہیں، پھر سچا شعر سنائیں کیا

…

اطہر تم نے عشق کیا، کچھ تم بھی کہو کیا حال ہوا
کوئی نیا احساس ملا، یا سب جیسا احوال ہوا

…

دروازہ کھلا ہے کہ کہیں لوٹ نہ جائے
اور اس کے لیے جو کبھی آیا نہ گیا ہو
…
اک آگ غم تنہائی کی جو سارے بدن میں پھیل گئی
جب جسم ہی سارا جلتا ہو پھر دامن دل کو بچائیں کیا
…
زخموں کے گلاب کھل رہے ہیں
خوشبو کے ہجوم میں کھڑا ہوں

…

راہ وفا دشوار بہت تھی، تم کیوں میرے ساتھ آئے
پھول سا چہرہ کہلایا اور رنگ حنا پامال ہوا

۔۔۔

اس شب کا نزول ہو رہا ہے
جس شب کی سحر نہ مل سکے گی

اک جنس وفا ہے جس کو ہر سو
ڈھونڈو گے مگر نہ مل سکے گی

۔۔۔

آتا پتہ کسی خوشبو سے پوچھ لو میرا
یہیں کہیں کسی منظر، کسی بہار میں ہوں

۔۔۔

ہوش اڑا اڑا دیے، راہ کے اضطراب نے
نکہت گل چلی تو تھی، باد صبا کے ساتھ ساتھ