بلدیاتی الیکشن کو اب کوئی نہیں روک سکتا. وزیر اعظم آزاد کشمیر

اس موقع سابق امیدوار اسمبلی راجہ منظور کیانی اپنے ساتھیوں سمیت تحریک انصاف میں شامل ہوے جبکہ انکے علاوہ عام آدمی عوامی پارٹی کے صدر سمیت درجنوں آزاد امیدواران نے تحریک انصاف کے امیدواروں  کے حق میں دستبرداری کا اعلان بھی کیا ۔ اس موقع پہ ضلع باغ کے تینوں حلقوں سے کارکنان تحرک انصاف سمیت عوام علاقہ کی کثیر تعداد بھی موجود تھی۔سردار تنویر الیاس خان نے مزید کہا کہ بلدیاتی انتخابات میں سیکیورٹی کا کوئی مسلہ نہیں ہے یہاں کے با شعور عوام خود اس قابل ہیں کہ وہ امن و امان کو خراب نہیں ہونے دیں گے .

انہوں کے کہا کہ کفل گڑھ شہداء اور غازیوں کی سر زمین ہے یہاں کے عوام نے الیکشن میں جو کردار ادا کیا اسے ہمیشہ یاد رکھوں گا۔انہوں نے دیگر جماعتوں سے مستعفی ہو کر تحریک انصاف میں شامل ہونے والوں کو خوش آمدید کہتے ہوے کہا کہ ہمارے قافلے کا حصہ بننے والوں کو کبھی مایوس نہیں کرونگا کارکنان کی عزت نفس سب سے زیادہ اہم ہے جس پر سمجھوتہ نہیں کرونگا ریاست کی عوام سمجھ چکی ہے کہ انکے حقوق کا تحفظ صرف تحریک انصاف کر سکتی ہے عوام کی تواقعات پر پورا اترنے کی کوشش کریں گے۔