ملک بھر میں خناق کی بیماری پھیلنے کا انکشاف

وزارت صحت نے اس بات کا اعتراف کیا ہے کہ خناق کی بیماری ملک بھر میں پھیل چکی ہے ۔ واضح رہے کہ خناق کی بیماری کے زیادہ تر شکار بچے ہوتے ہیں اور بچپن میں خناق کے خصوصی ٹیکے بھی لگوائے جاتے ہیں ۔
وزارت کے ذرائع کا کہنا ہے کہ اب تک اس مرض سے کم و بیش 39 بچے جان کی بازی ہار چکے ہیں۔ ان میں سے سندھ میں تیس خبر پختونخواہ میں چودہ اور پنجاب میں جاں بحق ہونے والے دو بچے شامل ہیں ۔
اس تشویشناک صورتحال کے پیش نظر قومی ادارہ برائے صحت اسلام آباد نے اپنی ٹیمیں خیبر پختونخواہ اور سندھ روانہ کر دی ہیں۔ متعلقہ ٹیموں کو ہدایت کی گئی ہے کہ خناق کے مشتبہ کیسز کے سیمپل لیب کنفرمیشن کے لئے قومی ادارہ صحت کو بھیجے۔
ادھر بچوں کے امراض سے متعلق ماہرین کا کہنا ہے کہ اس بیماری سے بچاؤ صرف حفاظتی ٹیکوں سے ممکن ہے۔ماہرین کے مطابق صوبوں میں و یکسین کی کوریج کم ہے اور بچوں کو حفاظتی ٹیکے بھی مناسب انداز میں نہیں لگ پا رہے۔ علاوہ ازیں خناق کی بیماری کے علاج کے لیے دوا بھی مناسب مقدار میں دستیاب نہیں ہے جس کی وجہ سے یہ بیماری تیزی سے پھیل رہی ہے ۔