پر امن میڈیا ٹاک پر حملہ کے جرم میں پروفیسر پرویز ہود بھائی کو فورا گرفتار کیا جائے

سفیان عباسی نے میڈیا کو بتایا کہ بدقسمتی سے مری اور ہزارہ میں کوئی بڑا ہسپتال نہیں ہے۔ اس لیے وہاں سے شدید بیماروں کو راول پنڈی یا اسلام آباد کے ہسپتالوں تک پہنچانا پڑتا ہے۔ لیکن ٹریفک جام کی وجہ سے متعدد بار مریض رستے میں ہی دم توڑ چکے ہیں۔ بائی پاس کی تکمیل پر جہاں مقامی آبادی کے وقت سفر میں بچت ہوگی وہاں سیاحوں کے مسائل کم ہونے کے ساتھ ساتھ ماحولیاتی آلودگی میں بھی خاطر خواہ کمی ہو گی۔

کے یو ایف کے رہنما نے میڈیا کو اس امر سے بھی آگاہ کیا کہ پروفیسر ہود بھائی جن درختوں کے حوالے سے پروپیگنڈہ کر کے منصوبے کے خلاف ماحول کی بنیاد پر عدالتوں کو گمراہ کرنے کی کوشش کر رہے ہیں اس کی حقیقت بھی کھل کر سامنے آ گئی ہے۔ بائی پاس منصوبے سے چیڑھ کے چار درخت متاثر ہو رہے ہیں۔ جب کہ باقی سارے درخت پولن الرجی پھیلانے والے توت کے ہیں۔ کے یو ایف کے رہنماؤں نے عدالت کو یقین دھانی کروائی کہ متاثر ہونے والے درختوں کے مقابلے میں دس گنا زیادہ شجر کاری کی جائے گی۔

سفیان عباسی نے قائد اعظم یونیورسٹی میں لسانیت پھیلانے والی آرٹس کونسلز پر بھی شدید تحفظات کا اظہار کیا۔ انھوں نے افسوس کا اظہار کیا کہ جامعہ قائد اعظم میں منشیات اور اسلحہ عام ہے لیکن ہود بھائی جیسے لوگوں کے منہ اس گھمبیر مسئلے کے خلاف کبھی نہیں کھلے۔

انھوں نے مزید کہا کہ قائد اعظم یونیورسٹی ہماری جامعہ ہے۔ اس کے مسائل ہمارے مسائل ہیں۔ ہم جامعہ کے مسائل کے حل کے لیے بھی جلد ہی میدان میں اتریں گے۔

سفیان عباسی نے مطالبہ کیا کہ ان آرٹس کونسلوں پر فورا پابندی لگائی جائے۔

غنڈہ گردی میں ملوث پرویز ہود بھائی کو فورا گرفتار کیا جائے۔

انھوں نے وائس چانسلر اور اسلام آباد انتظامیہ کو متنبہ کیا کہ اگر ان کے مطالبات پورے نہ ہوئے تو مری ایکسپریس وے اور جی ٹی روڈ بند کر کے اہل کوہسار دھرنے کا فیصلہ بھی کر سکتے ہیں۔