کوہسار یونائٹیڈ فر نٹ کے رہنماء محمد سفیان عباسی کی میڈیا ٹاک پر حملہ فسطائیت کی بد ترین صورت ہے۔ سجاد احمد عباسی

کنونشن سینٹر میں بھارہ کہو بائی پاس کی عوامی سماعت کے بعد اہل کوہسار کے نمائندہ افراد میڈیا سے گفتگو کر رہے تھے کہ اس دوران پرویز ہود بائی نے قائد اعظم یونیورسٹی کی لسانی تنظیموں کے غنڈوں کے ہمراہ میڈیا ٹاک ٹیم پر حملہ کر دیا۔ جس پر کوہسار یونائٹیڈ فرنٹ کے کارکنان کی جوابی کاروائی کے بعد پرو یز ہود بھائی اور ان کے لائے ہوئے غنڈے فرار ہو گئے۔

سجا د احمد عباسی نے کہا کہ عوامی سماعت کے موقع پر سفیان عباسی اور دیگر زعماء کی جانب سے بھارہ کہو بائی پاس کی تعمیر کے حوالے سے دیے جانے والے حقائق پر مبنی دلائل سے گھبرا کر معززین علاقہ پر حملہ کرنا فسطائیت کی بدترین صورت ہے۔ انھوں نے قائداعظم یونیورسٹی انتظامیہ اور آئی جی اسلام آباد سے مطالبہ کیا کہ وہ یونیورسٹی کو اس قسم کے متشدد عناصر سے پاک کروائیں، جن کی غنڈہ گردی یونیورسٹی سے نکل کر عام شہریوں کو متاثر کر رہی ہے۔ ایسا نہ ہوا تو آنے والے دنوں میں اہل کوہسار ان کا محاسبہ خود کرنے پر مجبور ہوں گے۔