کوہسار یونائیٹڈ فرنٹ بھارہ کہو بائی پاس کی آواز بن گیا

سفیان عباسی کی قیادت میں کوہسار یونائیٹڈ فرنٹ بھارہ کہو انڈر پاس کی یقینی تعمیر کی آواز بن گیا۔ اس سلسلے میں بروز جمعہ 18 نومبر کو صبح گیارہ بجے کنونشن سنٹر اسلام آباد میں منصوبے کی عوامی سماعت ( پبلک ہیئرنگ ) منعقد کی جارہی ہے جس میں خطہ کوہسار ، بھارہ کہو اور گردونواح سے تعلق رکھنے والے عوام کی بہت بڑی تعداد شرکت کرے گی ۔ اس سلسلے میں سوشل میڈیا کے ذریعے عوام کو باقاعدہ دعوت دی گئی ہے۔
واضح رہے کہ بھارہ کہو بائی پاس روڈ کی تعمیر کے خلاف قائداعظم یونیورسٹی انتظامیہ کے اسٹار اسٹے آرڈر کو اہلیان کوہسار کی جانب سے سفیان عباسی نے چیلنج کرتے ہوئے پٹیشنر بننے کا فیصلہ کیا تھا ۔ اب تک عدالت میں اس پٹیشن کی دو سماعتیں ہو چکی ہیں۔ عدالت نے اگلی سماعت پر دوسرے فریق سے ٹھوس شواہد طلب کر رکھے ہیں۔