ڈائریکٹر کامسیٹس یونیورسٹی ایبٹ آباد کیمپس کی سیکرٹری ورکرز ویلفیئر بورڈ خیبر پختونخواہ سے ملاقات

سیکرٹری ورکرز ویلفیئر بورڈ خیبر پختونخواہ عرفان اللہ وزیر اور پروفیسر ڈاکٹر محمد معروف شاہ نے ورکرز ویلفیئر بورڈ کے فنڈڈ طلباء سے متعلق معاملات پر تبادلہ خیال کیا۔۔ انھوں نے زیر التواء ادائیگیوں کے مسائل حل کرنے پر اتفاق کیا تاکہ طلباء کو کسی قسم کی پریشانی کا سامنا نہ کرنا پڑے۔ ڈائریکٹر کامسیٹس یونیورسٹی ایبٹ آباد کیمپس نے کہا کہ طلباء کو زیادہ سے زیادہ سہولیات فراہم کرنے کے لیے ادارہ پرعزم ہے۔ ورکرز ویلفیئر بورڈ نے کامسیٹس یونیورسٹی، ایبٹ آباد کیمپس کو زیر التواء ادائیگی 109.75 ملین جاری کردی۔ جس میں 17ملین کے طلبہ کے وظائف بھی شامل ہیں۔ڈائریکٹر کامسیٹس یونیورسٹی ایبٹ آباد کیمپس پروفیسر ڈاکٹر محمد معروف شاہ نے خصوصی طور پر سیکرٹری ورکر ویلفیئر بورڈ خیبر پختونخوا جناب عرفان اللہ وزیر، ڈائریکٹر فنانس جناب طارق وزیر، اور اسسٹنٹ ڈائریکٹر سکالرشپ مفتی یعقوب کو سراہا اور مختلف مسائل کے حل کے لیے دونوں اداروں کے درمیان موثر رابطے کے لیے میکانزم قائم کرنے کی ضرورت پر زور دیا۔

سیکرٹری ورکرز ویلفیئر بورڈ نے WWB کی مالی اعانت سے پڑھنے والے طلباء کو سہولت فراہم کرنے کے لیے کیمپس کے ڈائریکٹر پروفیسر ڈاکٹر محمد معروف شاہ کے تعاون کو سراہا۔ اس موقع پر انہوں نے زیر التواء ادائیگیوں میں تاخیر سے متعلق مسائل کو اجاگر کیا۔ انہوں نے WWB کی ضروریات کے مطابق فنڈز کے اجراء کے لیے WWF کے ساتھ مسئلہ اٹھانے کا وعدہ کیا تاکہ زیر التواء ادائیگیاں وقت پر کی جا سکیں۔ انہوں نے کامسیٹس ایبٹ آباد کے کیمپس ڈائریکٹر کے موثر ابلاغ کے مطالبے سے بھی اتفاق کیا اور اسسٹنٹ ڈائریکٹر سکالرشپ جناب مفتی یعقوب کو کامسیٹس ایبٹ آباد کا فوکل پرسن نامزد کیا۔اس موقع پر پروفیسر ڈاکٹر محمد معروف شاہ، ایڈیشنل خزانچی، ایبٹ آباد کیمپس ابراہیم خان اور انچارج آفس آف ڈویلپمنٹ سید فدا حسین شاہ اور ورکرز ویلفیئر بورڈ خیبر پختونخوا کے سیکرٹری بھی موجود تھے۔