حالیہ بارشوں سے کوہسار میں سردی کی شدت میں اضافہ

موسم کی صورت حال کے پیش نظر گزشتہ دنوں مری کی ضلعی اور تحصیل انتظامیہ نے متعلقہ اداروں کو حفظ ما تقدم کے طور پر کچھ ہدایات جاری کی تھیں۔

اس سلسلے میں منعقد ہونے والے اجلاس میں برفباری کے حوالے سے تمام محکموں کے ذمہ داران نے انتظامات کے حوالے سے ضلعی حکام کو بریفنگ دی تھی۔ اجلاس میں برفباری کے دوران فول پروف انتظامات، سیاحوں اور مقامی لوگوں کو سہولیات کی فراہمی اور تحفظ کے حوالے سے مفصل تبادلہ خیال کے بعد حتمی فیصلے کیے گئے تھے۔

باوجود حکومتی یقین دہانیوں کے ابھی بھی کوہسار کے بیشتر علاقے گیس کی سہولت سے محروم ہیں۔ جن علاقوں کو گیس کنکشن دیے گئے ہیں وہاں بھی سردیوں کے شروع ہوتے ہی گیس کے پریشر میں کمی واقع ہو جاتی ہے جس سے کوہسار کے مقامی لوگوں کو شدید مشکلات کا سامنا کرنا پڑتا ہے۔ سوختی لکڑی کی سپلائی بھی ابھی تک نہیں کی گئی۔ جنگلات کے تحفظ کے لیے ناگزیر ہے موسم سرما کے آغاز سے پیشتر ہی راشن کی سوختی لکڑی وافر مقدار میں کوہسار کے تمام علاقوں میں دستیاب ہو۔