ماجد ستی کے قاتلوں کی عدم گرفتاری کیخلاف احتجاج

گزشتہ روز ماجد ستی شہید کیس کی سماعت کے موقع پر مدعی کے ساتھ بڑی تعداد میں عوام ضلع کچہری پہنچے ۔

پاکستان تحریک انصاف کے رہنما و سماجی شخصیت ماجد ستی شہید قتل کیس کی سماعت پر خطہ کوہسار کے عوام جن میں عباسی برادری، ستی برادری ، سادات برادری، مغل برادری، چوہدری برادری ،دھنیال برادری ،کھیٹوال برادری ودیگر اہلیان پوٹھوہار کی بڑی تعداد نے ضلع کچہری راولپنڈی پہنچ کر مقتول کے خاندان کے ساتھ اظہار یکجہتی کیا ۔ واضح رہے کہ نامزد ملزم فرخ کھوکھر کی عبوری ضمانت 7 تاریخ تک تھی۔ تفتیشی آفیسر کی عدم حاضری پر عدالت عظمی کی طرف سے 15 نومبر کی تاریخ دے دی گئی۔ اس موقع پر مظاہرے کے منتظمین نے عوام کی آمد پر ان کا شکریہ ادا کیا اور ملزمان کی گرفتاری کے لیے احتجاج جاری رکھنے پر اتفاق کیا ۔ تمام لوگوں سے 15 نومبر کو بھی دوبارہ اس سے زیادہ بڑی تعداد میں شرکت کرنے کے عہد لیا گیا۔اس موقع پر شرکاء کا کہنا تھا کہ انصاف کے حصول کیلئے قانونی جنگ جاری رہے گی یہ ماجد ستی کا قتل نہیں ہے بلکہ پورے کوہسار کا قتل ہے ظالموں نے معصوم بچوں سے والد کا سایہ چھین لیا اب انہیں حساب دینا ہوگا