سانحہ مری کا تفصیلی فیصلہ جاری۔ ہوٹلوں کی درجہ بندی کی جائے

دیگر اہم امور کے علاوہ سیاحوں کے دیرینہ مطالبہ کے حوالے سے بھی عدالت نے حکم دیا کہ ہوٹلوں اور گیسٹ ہاؤسوں کی باقاعدہ درجہ بندی کر کے دستیاب سہولیات، محل وقوع اور دیگر ضروری امور کو پیش نظر رکھتے ہوئے کرائے مقرر کئے جائیں۔

عدالت نے یہ بھی حکم دیا کہ وفاقی حکومت موسمیات کے حوالے سے مری کے لئے جدید ترین سسٹم کی تنصیب کرے تاکہ موسمی صورت حال واضح رہے اور آئندہ کوئی سانحہ سہولیات نہ ہونے کی وجہ سے رونما نہ ہو۔

مری میں ہوٹلز، گیسٹ ہاؤسز کا ڈیٹا جمع کیا جائے اور تمام امور ضروریہ کو مد نظر رکھتے ہوئے اس شعبے کے لیے ماہرین سے رہنمائی لیتے ہوئے بزنس میکنزم بنائے جائیں۔