کوہسار کے خاندانی لوگ سیاسی پولارائیزیشن کے ماحول میں تہذیب کا دامن نہ چھوڑیں

انھوں نے کہا کہ ہم عظیم روایات اور اقدار کے حامل لوگ ہیں۔ پورا علاقہ ایک گھر کا ماحول پیش کرتا تھا۔ سیاسی اختلاف کو نفرت اور دشمنی میں بدلنے سے پورے علاقے کا ماحول خراب ہو رہا ہے۔ بلکہ ہو چکا ہے۔ صورت حال فوری اصلاح احوال کی متقاضی ہے۔

تشویش ناک پہلو یہ ہے کہ ہم نئی نسل کو شدت پسندی کی تعلیم دے رہے ہیں۔ وہ سیاسی اختلاف کے مفہوم اور طریقہ کار سے نابلد ہیں۔ ایک دوسرے کے سیاسی رہنماؤں کی کردار کشی کو سیاست کا نام دیا جا رہا ہے۔ حال آنکہ رسول اللّٰہ ﷺ نے نفسیاتی پہلو کو مدنظر رکھتے ہوئے ہماری رہنمائی فرمائی ہے کہ کسی کے جھوٹے خدا کو گالی مت دو کیونکہ جوابا وہ تمہارے سچے خدا کو برا بھلا کہے گا۔

سجاد عباسی نے علاقے کے تمام سیاسی رہنماؤں کو درخواست کرتے ہوئے پیغام دیا کہ وہ  اپنے کارکنوں کو تہذیب و اخلاق کے دائرے میں رہ کر سیاسی اختلاف کی تلقین و تنبیہہ کریں۔ جناب شاہد خاقان عباسی ، جناب سردار مہتاب، جناب حنیف عباسی، جناب نذیر عباسی، جناب مرتضیٰ جاوید عباسی اور دیگر رہنماؤں کو اس سلسلے میں اپنا کردار ادا کرنا چاہیے۔