اعظم خان سواتی کے حوالے سے جماعت اسلامی کے سینیٹر مشتاق احمد خان کا چیئرمین سینیٹ کو خط

سینیٹر مشتاق احمد خان نے خط میں لکھا کہ اعظم سواتی نے پریس کانفرنس میں جس سانحے سے پردہ اٹھایا ہے اسے سن کر پوری قوم کرب اور تکلیف میں ہے۔ بانیان پاکستان نے یہ ملک اسلامی اخلاقیات و اطوار، عوام کی عزت و آبرو اور ان کی عزت و تکریم کے لیے بنایا تھا تاکہ شہری یہاں خاص و عام کے تفاوت کے بغیر باعزت طریقے سے جی سکیں۔ بزرگ سینیٹر اعظم سواتی نے کچھ دن پیشتر پریس کانفرنس میں اپنی گرفتاری کے دوران توہین و تذلیل کی شکایت کی تھی۔ آج کی پریس کانفرنس میں اعظم سواتی صاحب نے جس سانحے کا ذکر کیا ہے وہ ناقابل قبول اور ناقابل بیان ہے۔