اعظم خان سواتی پریس ریلیز کے دوران رو پڑے

وڈیو ان کی اہلیہ کے ساتھ ان کے ذاتی لمحات پر مبنی ہے

اعظم خان سواتی پی ٹی آئی کے سینیئر نائب صدر اور سینیٹر ہیں۔ وہ جے یو آئی کا بھی حصہ رہے لیکن دو ہزار گیارہ میں جے یو آئی سے علاحدگی اختیار کر لی تھی۔ وہ عمران خان کی کابینہ میں پارلیمانی امور کے وزیر بھی رہے۔

ایک پرائیویٹ نمبر سے اعظم سواتی کی اہلیہ کو ایک وڈیو موصول ہوئی ہے جو ان کے اپنے شوہر کے ساتھ تنہائی کے لمحات کی ہے۔ اعظم خان سواتی اس معاملے پر پریس کانفرنس کرتے ہوئے دھاڑیں مار کر روتے رہے۔

عمران خان نے اپنے بیان میں کہا کہ ریاست کے ہاتھوں جو کچھ اعظم سواتی کے ساتھ ہوا وہ تمام اقدار کی پامالی ہے۔ اعظم سواتی کی تہجد گزار اہلیہ کی ( اپنے شوہر کے ساتھ کی پرائیویٹ) ویڈیو سامنے آنا انتہائی قابل مذمت اور صدمے کا باعث ہے۔ انھوں نے مزید کہا کہ چیف جسٹس آف پاکستان اس واقعہ کا ازخود نوٹس لیں۔