فیصل آباد: عدالت میں پولیس اہلکار کی فائرنگ سے 2 افراد جاں بحق

عینی شاہدین کے مطابق بدنصیب بھائی پیشی پر عدالت آئے تھے۔ پولیس اہلکار وردی میں تھا اور کمرہ عدالت میں ہی براجمان تھا۔

سٹی پولیس کے ذرائع کے مطابق پولیس نے حملہ آور کو موقع پر ہی گرفتار کرلیا۔  ابتدائی تفتیش میں معلوم ہوا ہے کہ مقتولین پر قاتل کے بھائی کو قتل کرنے کا الزام تھا۔

پوسٹ مارٹم اور قانونی تقاضے پورے کرنے کے بعد لاشیں ورثا کے حوالے کی جائیں گی۔