عمران خان کی کال پر راولپنڈی میں احتجاج

تین چار سو افراد مری روڈ سے فیض آباد پہنچے۔ فیض آباد میں اسلام آباد کی حدود میں داخلے کے مقام پر ایف سی، اسلام آباد پولیس اور دیگر فورسز تعینات ہیں۔ مظاہرین نے اسلام آباد میں داخل ہونے کی کوشش کی لیکن مستعد جوانوں کی حفاظتی دیوار سامنے پا کر ان پر پتھراؤ شروع کر دیا۔ جوابا پولیس اہلکاروں کی جانب سے آنسو گیس کی شیلنگ کی گئی۔ اسی دوران پولیس کی جانب سے کچھ گرفتاریاں بھی عمل میں لائی گئیں۔

اسلام آباد ٹریفک پولیس کے مطابق احتجاج کے باعث فیض آباد لوپ پر اسلام آباد سے راولپنڈی جانے والی ٹریفک کے لیے مری روڈ کے راستے پر ڈائیورشن ہے۔