عمران خان پر قاتلانہ حملے کے خلاف کوہالہ میں احتجاجی مظاہرہ

مظاہرین سے پاکستان تحریک انصاف کی مقامی قیادت، جس میں چئرمین ویلج کونسل بکوٹ شریف حسام جمشید عباسی، چئرمین کہو شرقی شاہ جہاں عباسی، چئرمین طارق عباسی، چئرمین مولیا افتخار عباسی، سابقہ ممبر تحصیل کونسل باسط نسیم عباسی کے علاوہ شوکت ارباب عباسی، رفاق اعظم عباسی بیروٹ، آفتاب عباسی ودیگر نے خطاب کیا۔  مقررین نے کہا کہ پاکستان کے پہلے وزیراعظم لیاقت علی خان سے ذوالفقار علی بھٹو اور بے نظیر بھٹو کی شہادت تک جمہوری نظام کے خلاف سازشوں کا ایک لا متناہی سلسلہ تھا۔  اب ایک بار پھر ایک عوامی لیڈر، جس کی قیادت میں ملک متحد ہوکر عالمی سطح پر ابھر رہا تھا،  کی حکومت ختم کر کے امپورٹڈ حکمرانوں کو حکومت دی گی۔ ستم بالائے ستم یہ کہ اب یہ مافیا ہمارے قائد عمران خان کی جان کا دشمن بن گیا ہے۔ وزیر آباد کنٹینر قاتلانہ حملہ ملک کی سالمیت پر حملہ ہے۔

مظاہرین نے اس عزم کا اظہار کیا کہ ہم عمران خان کی کال پر اسلام آباد کی طرف مارچ کرنے کے لیے ہر دم تیار ہیں۔

مقررہ وقت تک مظاہرہ کرنے کے بعد مظاہرین پر امن طور پر منتشر ہوگئے۔

اس احتجاج کے دوران تھانہ بکوٹ اور کوہالہ پولیس چوکی کے اہلکار جلوس کے ہمراہ رہے ۔