لانگ مارچ فائرنگ واقعے پر سیاست نہ کی جائے۔ مریم اورنگزیب

وفاقی وزیر اطلاعات، مریم اورنگزیب نے پاکستان تحریک انصاف کے چیئرمین عمران خان کے کنٹینر پر فائرنگ کی مذمت کرتے ہوئے کہا کہ واقعے پر سیاست نہ کی جائے۔

فائرنگ کے واقعے کے بعد پریس کانفرنس سے خطاب میں مریم اورنگزیب نے سیاسی رہنماؤں سے درخواست کی کہ وہ الفاظ کا چناؤ اور بیانات ذمہ داری سے دیں۔ غیر ذمہ دارانہ بیانات سے پرہیز کریں۔

مریم اورنگزیب کا کہنا تھا کہ پنجاب حکومت، پنجاب پولیس اور وزیراعلیٰ پنجاب کی جانب سے حقائق سامنے آنے کا انتظار کیا جائے۔