لانگ مارچ کے دوران کنٹینر پرکھڑے شاہ محمود زخمی

تفصیلات کے مطابق گوجرانوالہ  میں لانگ مارچ کے دوران پاکستان تحریک انصاف کے رہنما شاہ محمود قریشی سر پر چوٹ لگنے سے زخمی ہوگئے۔

ترجمان ریسکیو کا کہنا ہے کہ شاہ محمود قریشی کنٹینرپر سوار تھےکہ ان کا سر فلائی اوور سے ٹکرا گیا۔جس سے ان کے سر پر چوٹ آئی، انہیں موقع پر ابتدائی طبی امداد دی گئی۔

دریں اثنا ایک بیان میں شاہ محمود قریشی نے بتایا کہ میں ٹھیک ہوں، سر پر معمولی چوٹ آئی ہے،کنٹینر کے نچلے حصے سے بالائی حصے میں جاتے ہوئے چوٹ لگی۔شاہ محمود قریشی کے مطابق عمران خان نےخطاب ختم کرکے ان کی خیریت بھی دریافت کی۔