”دیدار اقبال در خواب “

خیر ہم نے مرشد سے دست بستہ درخواست کی کہ ”بڈیو چھری تلے ساہ کہنو“ اور یاد دھانی کروائی کہ آپ اب جنت نشیں ہیں اور اس جہان خراب سے ،جو اب خراب تر کیا جا رہا ہے، جا چکے ہیں۔ ویسے بھی آپ کے حقیقی کلام سے کون سا انصاف ہو رہا ہے۔ آپ کا کلام و تصورات فقط آپ کے جنم دن یا مرن دن پر”پلا شلا “ مار کر ٹی وی شی وی پر پیش کر کے فرض ادا کردیا جاتا ہے۔ پھر بارہ مہینے وہی چل چلاؤ۔

مرشد بولے ”گل تے ٹھیک آخدا ایں جاکتا“۔ میرے بہت سے اشعار ایسے ایسے لوگ پڑھ رہے ہوتے ہیں اور اس انداز میں پڑھ رہے ہوتے ہیں کہ بلا شک و شبہ پھانسی کی سزا بنتی ہے۔ مگر نظام انصاف ہی گل سڑ چٌکا ہے۔

پھر بولے وہ جو کلام جو ہم سے منسوب کر رہے تھے سناؤ۔ پہلے تو ہم ڈرے شرمائے، مگر مرشدی کا موڈ ٹھیک ہوتا دیکھ کر کچھ حوصلہ ہوا۔ ہم نے ہارمونیم نکالا اور گلا صاف کیا۔ بولے کوئی” دکڑے“ والا نہیں؟ ہم نے عرض کیا کہ ہے تو سہی مگر فیس زیادہ لیتا ہے۔ آج بغیر طبلے کے ہی سٌن لیں۔ ہم نے عرض کیا ۔۔۔۔۔۔

جس چڑھنا سا سچ نی سولی، جس دینی سی بانگ
علم، دلیل نی گل اپر اوہ کڈ کِنناں آ ڈانگ

بوٹے ہور کوئی لائے تے پھل کھاناں کوئی ہور
جڑاں نیں وچا نانہہ کپیں توں، ڈالے پہانویں چھانگ

ویہ اوہ پیر یا ملاں یا کوئی پالیٹیشن ساہڑا
اساں کی جیہڑا لبھیا اوہے اسیا نمبر رانگ

ہم نے کلام ختم کیا تو مرشد بولے "اقبال خوش ہوا جندکا” پر سچ کہوں تو ”ککھ پلے نینھ پیا“۔ ہم نے لکھی ہوئی غزل مرشد کے ہاتھ میں تھما دی کہ جنت میں کوئی تو "اہل زبان”ہوگا، اٌس سے ترجمہ کروا لیجئے گا۔ مرشدی نے جاتے جاتے ”تمبرے“ کا ڈنڈا پیار سے مارا تو ہماری آنکھیں نم ناک ہو گئیں۔ مرشد نے متحیر ہو کر اشک بار ہونے کی وجہ پوچھی تو ہم نے ہچکیوں کے درمیان عرض کیا۔۔۔۔۔

"مرشدی! گزشتہ بہتر سالوں میں اصطبلشمنٹ، آئی ایم ایف، ورلڈبنک اور جانے کہاں کہاں سے ہم بے بسوں پر اس بے رحمی اور تسلسل سے ڈنڈے برسائے گئے ہیں کہ اب کوئی ڈنڈا بھی پیار سے برسائے تو وہ ہمیں اپنا وفادار، ہمدرد اور بہی خواہ محسوس ہوتا ہے۔