رفاہ ڈویلپمنٹ فورم اور کوہسار یونائیٹڈ فرنٹ کے زیر اہتمام یونین کونسل پوٹھہ شریف میں فضول اور غیر ضروری سماجی رسومات کے خاتمے اور یونین کونسل کے مسائل کے حل کے لیے عوامی جرگے کا اہتمام کیا گیا۔جرگے میں بڑی تعداد میں عوام الناس نے شرکت کی۔
شرکاء جرگہ نے سماج رسومات کے خاتمے کے لیے تینوں موضعات کی طرف سے طے شدہ اقدامات کی بھرپور تائید کی اور عملدرآمد کی یقین دہانی کروائی۔
درج ذیل امور جو یونین کونسل میں نافذالعمل ہونگے
👈 فوتگی پر کھانے کا اعلان نہیں ہو گا۔ورثاء کو کھانا ایک گھنٹے بعد دیا جائے گا۔
👈 شادی بیاہ کے موقع پر ہوائی فائرنگ پر مکمل پابندی ہوگی
بارات میں 30 سے 40 افراد کی شرکت ہو گی اور اس تعداد کو بتدریج کم کیا جائے گا
یونین کونسل میں کسی بھی فرد کو منشیات فروشی کی اجازت نہیں دی جائے گی
گھر میں بچوں کے سامنے سگریٹ نوشی پر پابندی ہو گی اور بچوں سے سگریٹ نہیں منگوائے جائیں گے
جرگے کے دوسرے سیشن میں مری کی دیگر یونین کونسلز اور بالخصوص یونین کونسل پوٹھہ شریف کے مسائل پر مقررین نے سیر حاصل گفتگو گی اور متفقہ طور پر کوہسار یونائیٹڈ فرنٹ کے پلیٹ فارم سے جدوجہد جاری رکھنے کا اعلان کیا۔مقررین نے مرکزی اور صوبائی حکومتوں سے درخواست کی کہ وہ اپنے وعدوں کو پورا کریں اور گیس سے محروم تمام یونین کونسل کو فوری سوئی گیس کی فراہمی ممکن بنائی جائے۔
،یونین کونسل کے انفراسٹرکچر کی بہتری،بی ایچ یو کی اپ گریڈیشن، اور گورنمنٹ ہائیر سیکنڈری سکول کو بلڈنگ اور سٹاف کے لیے فنڈز کی فراہمی کے حوالے سے قراداد سجادالحسن عباسی نے پیش کی جس کی متفقہ طور پر شرکاء نے تائید کی۔
جرگے کے شرکاء نے انجمن تاجران علیوٹ اور ٹرانسپورٹر حضرات سے بھی درخواست کی کہ وہ مل جل کر علیوٹ بازار میں ٹریفک کے مسئلے کے حل کے لیے کوشش کریں۔اہلیان یونین کونسل اس معاملے پر بھرپور تعاون کرینگے
اس موقع پر پروفیسر ڈاکٹر اشفاق کلیم عباسی،خالد محمود عباسی، سجادالحسن عباسی،نسیم عباسی،پروفیسر ظفر سدوزئی،فخر محمود عباسی ایڈوکیٹ ،راشد محمود عباسی،عظمت حسین عباسی،حسن اخترعباسی،اسلام قریشی،زھید عباسی،وزیر گل عباسی، قاری عرفان عباسی اور دیگر نے خطاب کیا۔
