پرانے کرنسی نوٹ تبدیل کرانے کے لیے آخری موقع

اس حوالے سے  فنانس ڈپارٹمنٹ  کی جانب سے سے جاری اعلامیے میں کہا گیا ہے کہ حکومت پاکستان نے 10، 50، 100 اور 1000 روپے کے چھوٹے اور نئے سائز کے کرنسی نوٹوں کا اجراء سال 2005 سے 2008 کے درمیانی عرصے میں کیا تھا۔

پرانے اور بڑے سائز کے کرنسی نوٹ مارکیٹ سے مرحلہ وار واپس لینے کا سلسلہ شروع کیا گیا تھا جو کافی عرصے تک جاری رہا۔ پھریکم دسمبر 2016 کے بعد ان نوٹوں کا لین دین مکمل طور پر ختم کر دیا گیا تھا۔ اب کم و بیش 6 برس کے  بعد اسٹیٹ بینک آف پاکستان نے ایسے کرنسی نوٹ رکھنے والے شہریوں کو آخری موقع  دے دیا ہے اور اس سلسلے میں  دو ماہ سے زائد عرصے کی مزید مہلت دے دی ہے۔

اعلامیے کے مطابق  ایسے کرنسی نوٹ رکھنے والے شہری31 دسمبر 2022 تک کراچی، لاہور، پشاور،کوئٹہ، اسلام آباد، راولپنڈی سمیت ملک بھر میں اسٹیٹ بینک کی کسی بھی برانچ سے نئے کرنسی نوٹوں میں تبدیل کرا سکتے ہیں۔

ذرائع کا دعویٰ ہے کہ اس وقت بھی بہت بڑی مالیت کے پرانے نوٹ لوگوں کے پاس موجود ہیں جو مارکیٹ میں استعمال نہیں کیے جا سکتے ۔ ذرائع کا کہنا ہے کہ اس قسم کے نوٹوں کی زیادہ تعداد پراپرٹی اور گاڑیوں کا بزنس کرنے والے لوگوں کے پاس موجود ہے ۔