کوہسار یونائیٹڈ فرنٹ کے تحت پھگواڑی میں گرینڈ عوامی جرگہ

تقریب میں معززین علاقہ،تاجر برادری اور ٹرانسپورٹر حضرات ،اور عوام الناس نے کثیر تعداد میں شرکت کی۔
کوہسار یونائیٹڈ فرنٹ  کی قیادت نے نمب جنڈالی روڈ کی اپنی مدد آپ تعمیر کا بھی اعلان کیا۔اس موقع پر رہنما کوہسار یونائیٹڈ فرنٹ اور معروف کاروباری و سماجی شخصیت راج محمد عباسی صاحب نے اپنی طرف سے 50 لاکھ روپے کا بھی اعلان کیا۔محمد سفیان عباسی نے بھی اپنا حصہ شامل کرتے ہوئے اعلان کیا کہ وہ راج محمد عباسی اور راجہ مہتاب خان  کے ساتھ مل کر جنڈالی روڈ کو مکمل کریں گے۔یاد رہے  کہ راج محمد عباسی نے نمب و پھگواڑی کے لیے بہت سے بورنگ کے منصوبے خود مکمل کروائے ہیں۔

محمد سفیان عباسی تقریب سے خطاب کرتے ہوئے

اس موقع پر محمد سفیان عباسی نے اعلان کیا کہ رفاہ ڈویلپمنٹ فورم کے پلیٹ فارم سے پھگواڑی کو پانی کی فراہمی کی کوشش کی جائے گی۔غلام فاروق عباسی نے بتایا کہ الخدمت فاونڈیشن صاف پانی کی فراہمی کے لیے22 بورنگ پھگواڑی میں کرواچکی ہے
جرگے کے اختتام پر سجاد الحسن عباسینے قرارداد پیش کی جس کی اہلیان علاقہ نے مکمل تائید کی۔جرگے کے اختتام پر اعلامیہ جاری کیا گیا جس میں کہا گیا ہے کہ
شرکائے جرگہ مشرقی مری/ لوئر مری کی پسماندگی کے خلاف کوہسار یونائیٹڈ فرنٹ کی کاوشوں کو قدر کی نظر سے دیکھتے ہیں اور محمد سفیان عباسی کی قیادت پر مکمل اعتماد کرتے ہوئے اس اعلامیہ کی تائید کرتے ہیں کہ

*  وفاقی و صوبائی حکومت سے پرزور مطالبہ کرتے ہیں کہ یونین کونسل پھگواڑی،بالخصوص نمب رومال کو پانی فراہم کیا جائے
*نمب رومال کھپدر روڈ کو ازسرنو تعمیر کر کے اسے کیرج وے بنایا جائے
*مری کی تمام یونین کونسلز جہاں گیس فراہم نہیں کی گئی اور بالخصوص پھگواڑی کو فوری گیس فراہم کی جائے
*پھگواڑی کو ٹاون کمیٹی کا درجہ دیا جائے
*بریتی (لب جہلم ) میں عالمی معیار کا کھیلوں کا میدان بنایا جائے۔
*پھگواڑی سکول کو ہائیر سیکنڈری سکول کا درجہ دیا جائے۔
*پھگواڑی ہسپتال کو اپ گریڈ کیا جائے۔
*مری ٹورازم فورس میں پھگواڑی کے نوجوانوں کو روزگار دیا جائے
*بریتی کو پکنک سپاٹ ڈیکلیئر کر کے بھوربن تک چیئر لفٹ لگائی جائے
*دھلہ اوسیاہ روڈ کو فوری تعمیر کیا جائے
*دھلہ ،دانوئی روڈ کو فوری تعمیر کیا جائے
*بریتی میں سمال ڈیم بنایا جائے
۔