گورنمنٹ کیپٹن عمیر عبدالله شہید ہائیر سیکنڈری سکول بیروٹ نے ہر سال کی طرح اس مرتبہ بھی سالانہ امتحانات براۓ 2022 فرسٹ ائیر کے شاندار سو فیصدنتائج (٪100) پیش کئے اور ضلع ایبٹ آباد کے تمام ہائیر سیکنڈری اداروں میں نمایاں پوزیشن حاصل کی ہے۔ کوہسار نیوز کی جانب سے اس شاندار کامیابی پر تمام اساتذہ ، والدین اور طلباء کو دلی مبارکباد پیش کی جاتی ہے ۔
واضح رہے کہ کیپٹن عمیر عبداللہ اسکول کا پرانا نام گورنمنٹ ہائی اسکول بیروٹ ہے۔ اس اسکول کو اپنے شاندار ماضی کے ساتھ یہ اعزاز حاصل ہے کہ یہاں سے حصول علم کے بعد عملی زندگی میں قدم رکھنے والی کئی شخصیات نے ملکی سطح پر بڑا نام پیدا کیا اور آج مختلف شعبہ ہائے زندگی میں نمایاں خدمات انجام دے رہی ہیں۔ اسی اسکول سے تعلیم حاصل کرنے والے کئی اساتذہ کرام بھی آج یہاں تدریسی فراءض انجام دے رہے ہیں۔
