بلدیاتی الیکشن ملتوی ہونے پر سراج الحق کا شدید ردعمل

انہوں نے کہا کہ جماعت اسلامی دستیاب وسائل سے لوگوں کی بھر پور مدد جاری رکھے گی،مکمل بحالی تک متاثرین کے ساتھ کھڑے ہیں۔ قوم کو ٹرانس جینڈر قانون پر وفاقی شرعی عدالت میں نادرا کا موقف قبول نہیں،پورے کا پوراقانون بوگس اور غیر اسلامی ہے،صرف 13A ہی نہیں سارے قانون کو تسلیم نہیں کرتے،حکومت جماعت اسلامی کی جانب سے پیش کیا گیا ترمیمی بل منظور کرے،ہماری ترامیم خواجہ سراؤں کے حقوق کی ضمانت فراہم کرتی ہیں، ہمیشہ کمیونٹی کے حق میں آواز اٹھائی،نام نہاد قانون کی آڑ میں فحاشی اور عریانی پھیلے گی، معاشرہ کی اسلامی اقدار سے کسی کو کھیلنے کا موقع نہیں دیں گے۔ قرآن و سنت کی تعلیمات ہمارے لیے مشعل راہ،فرسودہ نظام سے چھٹکارہ حاصل کے بغیر آگے نہیں بڑھ سکتے۔جماعت اسلامی ملک میں پر امن اسلامی انقلاب کے لیے جدو جہد کر رہی ہے۔ ان خیالات کا اظہار انہوں نے سکھر ایئرپورٹ پر میڈیا سے گفتگو کرتے ہوئے کیا۔ سراج الحق سندھ کے تین روزہ دورے پر سکھر پہنچے ہیں۔ وہ 19 اور 20 اکتوبر کو جیکب آباد، سکھر، شکارپور،لاڑکانہ، میہڑدادو اور کندھکوٹ میں حکومت سندھ کی جانب سے سیلاب متاثرین کی امداد میں تاخیر و کرپشن کے خلاف منعقدہ احتجاجی دھرنوں،جلسوں سے خطاب کریں گے۔ وہ سندھ کے سیلابی علاقوں کے چوتھے دورے کے موقع پرمتاثرین سے ملیں گے اور جماعت اسلامی اور الخدمت فاؤنڈیشن کی امدادی سر گرمیوں کا جائزہ بھی لیں گے۔صوبائی نائب امرا پروفیسر نظام الدین میمن،مولانا حزب اللہ جکھرو اور ضلعی امیر زبیر حفیظ شیخ مقامی میڈیاسے گفتگو کے دوران امیر جماعت کے ہمراہ تھے۔