سرکل بکوٹ میں جرائم روکنے کیلئے عوامی آگاہی مہم

واضح رہے کہ موجودہ صورت حال میں سرکل بکوٹ کے علاقوں بکوٹ، مولیا، بیروٹ اور گردو نواح میں  چوری چکاری، ڈکیتی وغیرہ کی وارداتیں بڑھ رہی ہیں جس پر  مذکورہ علاقوں کے عوام کی تشویش میں اضافہ ہو رہا ہے۔ جرائم پیشہ افراد کی مشکوک سرگرمیوں کو روکنے کے لیے  ویلیج کونسل بکوٹ کے تحت تھانہ بکوٹ ،علمائے کرام ،امام صاحبان و عمائدین ویلج کونسل بکوٹ شریف کی مشترکہ کمیٹی تشکیل دی گئی ہے جس نے متفقہ طور پر قواعد و ضوابط کی منظوری دی ہے جس کے بعد عوامی آگاہی کیلئے بورڈز نصب کردیئے گئے ہیں۔ یہ امر قابل ذکر ہے کہ یونین کونسل بیروٹ کلاں  اور کہو شرقی میں بھی کئی مقامات پر اس قسم کے آگاہی اور انتباہی بورڈ نصب کئے گئے ہیں تاہم ان ہدایات پر عمدرآمد کیلئے مانیٹرنگ کا کوئی مناسب انتظام نہیں ہے۔