مری کی شاہراہوں پر آوارہ کتوں کی بھرمار، شہری پریشان

مری کی سڑکوں اور شاہراہوں پر آوارہ کتوں کی بھرمار نے سیاحوں اور مقامی لوگوںکا جینا دوبھر کر دیا۔ آوارہ کتوں کے حملوں کے نتیجے میں ملحقہ آباریوں میں کئی لوگوں کے پالتو جانور بھی زخمی ہو چکے ہیں تاہم متعلقہ حکام اس افتاد کے تدارک کیلئے کوئی عملی کارروائی نہیں کر رہے۔
مری شہر کے علاقوں کشمیر پوائنٹ ،پنڈی پوائنٹ ،مال روڈ ،لوئر مال جھیکا گلی کے ساتھ ساتھ گرد و نواح میں آوارہ کتوں کی بہتات ہے جو آئےروز لوگوں کا نقصان کر رہےہیں مگر انتطامیہ نے اپنی آنکھوں پر پٹی باندھ رکھی ہے۔ مقامی لوگوں نے کوہسار نیوز کو بتایا کہ اب یہ کتے سکول آتے جاتے بچوں کو بھی تنگ کرتے ہیں۔ لگتا ہے کہ انتظامیہ کسی بڑےحادثے کا انتظار کر رہی ہے۔ عوام نے پرزور مطالبہ کیا ہے کہ متعلقہ حکام اور انتظامیہ اس مسلے کو حل کرنے کے انتظامات کرے۔