”ہے کوئی خواب کی تعبیر بتانے والا“

"ابھی نہ جاؤ چھوڑ کر کہ دل ابھی بھرا نہیں”

جب کہ عوام جوابا پرانا پنجابی گیت کورس میں گا رہے ہیں

"تیرے نی قراراں سانوں پٹیا”

ہم ”ٹاٹرے باٹرے “ ہوکر سوچ رہے ہیں یہ ایک رات میں کیسے کایا پلٹ گئی۔ یہ شعور صاحب کہاں سے وارد ہوگئے؟ ایک مذہبی جماعت کے مولانا ” کند“ پر کھڑے ہوکر جانے والے لوگوں کو تہتر کے آہین کی افادیت بتارہے ہیں کہ اس میں عوام کے حقوق کا ” مٌچ “ خیال رکھا گیا ہے۔

مسلم لیگ ع ن ق ف غرضیکہ حروف تہجی کی تمام لیگیں منتیں” ترلے“ کرکے بتا رہی ہیں کہ ہمارے بڑوں نے یہ ملک آپ کے لیے انگریزوں اور ہندوؤں سے لڑ کر بنایا تھا – اسے چھوڑ کر مت جائیں۔

پی پی کے چیرمین غلابی اردو میں محوِکلام ہیں کہ دیکھو جنٹلمین کوئی مسئلہ نہیں۔ جب زیادہ بارش ہوتا ہے تو زیادہ پانی آتا ہے۔ فکر ناٹ بھٹو ابھی زندہ ہے۔ تم "ہول سیل” میں مرتے رہے اسی لیے بھٹو ابھی تک زندہ رہا۔ وہ تمھیں ساتھ لے کر ہی مرے گا ! اتنی مایوسی” چنگی ناٹ “حوصلہ رکھیں
یعنی ”بٹہ “رکھیں-

امام العصر مقررِ شعلہ بیان آلِ یوتھ کا دین ایمان جناب ِعمران خان فرمارہے ہیں۔۔۔ "دیکھو جوانو! حوصلہ نہ ہارو. میں نے کرکٹ میں کپ اس لیے نہیں لایا تھا کے تم وطن چھوڑ کر چلے جاؤ۔ دیکھو ہم ابھی حکومت کرنا سیکھ رہے تھے کہ حزب اختلاف نے ”لورچ “ کر کے میچ جیت لیا۔ کوئی بات نہیں۔ میں دھرنے کی ڈیٹ کا اعلان کرنے لگا ہوں۔ آپ لوگ بمعہ فیملی ڈی چوک پر پدھاریں۔”

مگر لوگ کسی کی بھی بات پر کوئی دھیان نہیں دے رہے تھے
بلکہ آگے سے سو سو ” کرفات پچھ“ رہے تھے کہ۔۔۔۔۔

” دیس دیو مامیو” ہن بس وی کرو. وہ ماسٹر حسین بخش کا مشہورِزمانہ گیت گا رہے تھے

”اساں ہن نہیں رہناں بیگانیاں وطناں تے“

اگر یہ دیس واقعتاً ہمارا بھی ہے تو ہمارے ساتھ پچہترسال سے یہ” کوؔچھ “کیوں ہورہاہے؟ ماچس سے جہاز ہر چیز پر کئی کئی بار ٹیکس عوام دیں اور عیاشی چند لوگ کریں !!! اب یہ نہیں ہوگا۔ حرام خورو ۔۔۔خود کماؤ تے خود کھاؤ۔ "ہم چلے چھوڑ کر تیری محفل صنم”
ویسے بھی تیس سال افغانی ہمارے بن بلائے ”مزمان“ رہے۔ اب کچھ دن ہم اِن کی میزبانی کامزہ چکھتے ہیں۔

خواب یہاں تک پہنچا تھا کہ ہمارے پڑوسی نے محلے کی مسجد کے "بہت ہی لاؤڈ” سپیکر میں "فدریں کی بانغ” دی اور ہم خواب کی دنیا سے مسائلستان میں مراجعت کر گئے۔

بارگاہ ِایزدی میں حاضر ہونے کی تیاری کرتے ہوئے خیال آیا کہ اپنے خواب کی تعبیر اپنے امام مسجد قاری صاحب سے معلوم کریں۔ لیکن پھر خیال آیا کی وہ بھی کیاسوچیں گے کہ کیسے کیسے فارغ الدماغ لوگ ہمارے مقتدی ہیں۔

سو آپ سے گزارش ہے کہ آپ ہی تعبیر بتانے کا کشٹ کریں ورنہ ” مڑہیند والے استاداں” کول جٌلنا پیسی۔

شکیل اعوان کوہسار نیوز کے روح و رواں راشد عباسی کے ساتھ